Behin lehen taldean izango dela jakin ondoren, Aparicio gogoz dago entrenatzen hasteko, «taldekide berriak ezagutzeko eta beraietaz ikasteko». Betidanik Realekoa izan dela aitortu du 2004an jaiotako jokalariak, eta berarentzako aukera hau izatea «izugarria» dela. «Nahiz eta Realeko bigarren taldean egon, inoiz ez duzu imajinatzen lehenengo taldera iritsiko zarenik», gaineratu du Apariciok. «Esan zidatenean sekulako ilusioa egin zidan eta gogoz nago hasteko. Orain dudan helburua taldera egokitzea da. Kontziente naiz bigarren taldetik lehenengora alde handia dagoela, eta denboraldiaurrea aprobetxatuko dut erritmoa hartzeko, taldekideengandik ikasteko eta egurra emateko». Bide batez, tolosarrak Realeko zaleei eskatu die beti taldeari animatzeko eta zelaian elkar ikusiko direla.
Nahia Aparicio tolosarra, Realaren lehen taldera
Futbolari tolosarrak esan du «oso pozik eta ilusionatuta» dagoela lehen taldera iristeagatik: «Klubari eskertuta nago eman didan konfiantzagatik eta nire ametsa betetzeko aukera emateagatik».
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!