Honako hauek izango dira kartel lehiaketan parte hartzeko oinarriak:
- Parte hartzaileak: Ikasle guztiek parte har dezakete lehiaketan eta bakoitzak artelan bat baino gehiago aurkeztu dezake.
- Gaia: Irudiak sortzeko erabili daitekeen teknika librea izango da (argazkia, diapositiba, pintura, marrazki digitala, collage-a, etab.) Hala ere, lehiaketaren gaia txotxongilolaritzari buruzkoa izan beharko da: Mundu liluragarri bat gure eskuartean.
- Aurkezteko epea: Kartelak urriaren 9a baino lehen bidali beharko dira, informazio honekin: izen-deiturak, helbidea eta telefono zenbakia. Bi eratara bidali daitezke: digitalki, pedagogia@cittolosa.com helbidera, edo fisikoki, Topic-en bertan (Euskal Herria plaza 1, 20400 Tolosa).
- Kartelaren neurria: A2 tamainakoak izango dira eta digitalki bidaltzekotan JPEG edo PDF formatuan bidali beharko dira, gehienez 10MBko tamaina izan beharko dute eta gutxienez 300 puntu hazbeteko bereizmena (dpi) izan behako dute.
- Epaimahaia: Epaimahaia txotxongilolaritzan aditu diren artistak eta Titirijai jaialdiko ordezkariak osatuko du.
- Saria: Irabazleak 100 euroko erosketa bonua eskuratuko du Tolosa&Co Merkataritza Elkartearen eskutik. Gainera, parte hartzaile guztien artean, lau lagunentzako sarrerak zozketatuko dituzte Titirijai jaialdiko ikuskizun baterako.
- Egile-eskubideak: Saritutako lanaren jabea Titirijai izango da, honen erreprodukzio, argitalpen eta zabalkunde eskubideak izateko.
- Bilketa: Azaroan zehar, saria jaso edo jaso ez duten guztiek aurkeztutako lanak bildu ahal izango dituzte Topic-en.