Langileek esan dutenez, Tolosako Udalean aldaketa izan ostean, «azken asteetan negoziaketa bilerak bultzatu eta egoera desblokeatzen saiatu arren, ez da gatazkari irtenbidea ematea lortu». BPXport enpresarekin izandako azken bileran «mugimenduak» egin zituztela esan dute, «baina enpresaren jarrera guztiz ezkorra da, apirilak 25tik mugitu gabe baitago». Hala, gatazka konpontzeko egindako saiakerekin irtenbiderik lortu ez denez, Tolosako Udalak «agindutako» esku hartzearen zain daudela esan dute langileek: «udala da instalakuntzaren eta zerbitzu publiko hau ematearen arduradun, eta haien parte hartze aktiboa eskatzen dugu egoera ahalik eta azkarren konpontzeko».
Egoeraren ondorioak herritar guztiei eragiten dietela jakitun direla diote, eta horregatik manifestaziora gonbidatu dituzte.