Obra-lantaldeak materialaren garraiorako ibilgailuak ordezkatu ditu udalak. Zaharkituta zeuden orain artekoak: hain zuzen, ibilgailuen batez besteko antzinatasuna 22 urtetik gorakoa zen. Ibilgailu zaharrenak 35 urte ditu, eta berrienak 17.
Bada, behar berriei aurre egiteko bi kamioneta erosi ditu udalak. Jasangarritasunaren aldeko beste urrats bat da, gainera, elektrikoak baitira biak. Karga osoarekin, 200 kilometro baino gehiagoko autonomia izango du ibilgailu bakoitzak.
Brigadak obretarako eta ekitaldietarako materiala garraiatzeko erabiliko ditu ibilgailuak.