Farmazia batek eskaintzen dituen ohiko zerbitzuez gain, hainbat zerbitzu gehitu ditu euren jardunera, aipatutako ardatzetara egokitzeko eta tolosarren beharrei erantzuteko.
Horien artean honako hauek nabarmendu ditu farmazialari eta nutrizionista gazteak: nutrizio-dieta zerbitzua, antropometriak (gorputz konposaketaren azterketa) eta Dosifikazio Pertsonalizatutako Zerbitzua (asteko pastilleroak prestatzea).
Zerbitzu osatuagoa eskaintzeko Whastapp bidezko eskaera eta zalantza zerbitzua dute, webgune berria, adinekoei eta euren zaintzaileei begirako saila, kirol produktu zein osagarrien saila eta dermofarmazia marka propioa.
Kirol munduari dagokionez eskaintza zabala daukate farmazian: kirolariari eta entrenamendura egokitutako dieta zerbitzua, Finisher kirol osagarriak batez ere endurance kiroletara bideratuta (gelak, barritak, gatzak…), kirolariarentzako produktu ortoprotesikoak (belaunarentzat, orkatilarentzat, eskumuturrarentzat...) eta beste hainbat produktu, hala nola, kremak eta kineto esparatrapuak.
Kirolaren alde egindako apustuaren barruan elkarlanerako bidea ireki dute herriko hainbat talderekin. Batetik, Alpino Uzturre taldearekin. Horren arabera, Alpino Uzturreko bazkideek deskontuak dituzte Oscar Echevesten. Bestetik, Ainhoa Fisioterapiarekin eta TAK arraun klubarekin ere hasi dute elkarlana eta horien produktu hornitzaileak dira. Aurten gainera Tolobolei txapelketan parte hartuko duen taldeetako baten babesleak izango dira.
Oscar Echeveste botikan gizartearen beharretara egokitzeko egiten dute lan eta hori lortzeko lantaldea ezinbestekoa dela nabarmendu du arduradunak. «Guzti hau ezingo litzateke behar den bezala bideratu atzetik daukadan farmazialariz osatutako talde profesionalik gabe». Aiora Pellejero, Eva Sanz eta Puy Alzate dira profesional horiek, «arlo guzti hauetan adituak dira eta zure galderak erantzuteko eta aholkuak emateko prest egongo dira».
Oscar Echeveste botika
- Helbidea. Gernikako Arbola Lorategiak, 3 (Tolosa).
- Telefono zenbakia. 943 65 10 40
- Whatsapp zerbitzua. 688 71 16 89
- Webgunea. farmaciaoecheveste.com
- Emaila. farmaciaoscarecheveste@gmail.com
- Instagram. farmaciaecheveste
- Ordutegia. Astelehenetik ostiralera 09:00etatik 22:00etara eta larunbatetan 09:00etatik 13:00etara.