EAJko talde parlamentarioak lau kide berri ditu, tartean, duela gutxi arte Tolosako alkate izan den Olatz Peon. Beste hirurak Josune Escota, Ainhoa Santisteban eta Markel Aranburu dira.
Gipuzkoako zerrendan, Peonek Maialen Gurrutxagaren lekukoa hartuko du, aurreko udal hauteskundeetan Elgoibarko alkatetza lortu ostean. Aranburuk, berriz, Irune Berasaluze ordezkatuko du. Izan ere, Berasaluzek Eider Mendoza ordezkatu du Gobernantzan eta Gipuzkoako Foru Aldundiko bozeramaile izendatu dute.
Escota eta Santisteban EAJk 2020an Bizkaian aurkeztu zuen zerrendan zeuden, eta Itxaso Berrojalbiz (Ogasun eta Finantzetako foru diputatua) eta Leixuri Arrizabalaga (Euskara, Kultura eta Kiroleko foru diputatua) ordezkatu dituzte, hurrenez hurren.
Escota, Santisteban, Aranburu eta Peon euskal parlamentari gisa akreditatu dira dagoeneko, eta Hauteskunde Orokorren ostean jabetuko dira karguaz, Legebiltzarrean egingo duten lehen ohiko osoko bilkuran.