Emakumezkoetan lau bikote ari dira, gizonezkoen lehen mailan sei bikote eta bigarren mailan 15 bikote. Berazubiko frontoian jokatzen da txapelketa.
Dagoeneko abian dago lehia eta egunero, astelehenetik ostegunera, partidak jokatzen ari dira. 18:00ak inguruan hasten da jardunaldia. Modalitate guztietan ligaxkak jokatzen ari dira. Emakumezkoetan, lehen bi postuetan geratuko diren bikoteak pasako dira finalera. Gizonezkoen lehen mailan bi multzo daude eta multzo bakoitzeko lehen bi sailkatuek finalerdiak jokatuko dituzte. Bigarren mailan lau multzo daude eta bakoitzetik lehen bi bikoteak sailkatuko dira final-laurdenetarako. Finalak uztailaren 29an jokatuko dira, 18:00etatik aurrera.