Ordainagiria helbideratuta ez duten herritarrek uztailaren 7ra arte izango dute ordaintzeko epea; helbideratutakoen tasak aldiz, egun horretan kobratuko dira.
2023rako onartu eta finkatutako egutegi fiskalari jarraiki, aste bat geratzen da zaborren tasa ordaintzeko borondatezko epea amaitzeko.
Hori horrela, ordainagiria helbideratuta ez duten herritarrek, uztailaren 7a arte izango dute aipatu tasa ordaintzeko epea. Ordainketa egiteko dokumentua posta arruntez bidali zaie etxeetara.
Ordainagiria helbideratuta duten herritarrei borondatezko epearen azken egunean kobratuko zaie zabor tasaren zenbatekoa kontu-korrontetik, hau da, uztailaren 7an.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!