Paul San Martin piano jotzaile donostiarrak ez du hutsik egin, hatzak bizkor astindu ditu eta txalo zaparrada ugari etorri da hortik. Ondoan izan du Jon Aira gitarrarekin eta baita Javier San Martin ere, bateriarekin. Jendetza gerturatu da Lopez Mendizabal plazara eguerdian.
Gaur, beste bi kontzertu ere izango dira Tolosand Blues jaialdiaren barruan. Batetik, Cecilya Mestres & The Candy Kings, 19:30ean, Plaza Berrian, eta Shanna Waterstown, 23:00etan, leku berean.
Bihar ere izango du jarraipena. Balta Bordoy & The Bad Boys taldea ikusteko aukera izango da, 13:00etan, Zerkausian, eta aurtengo izarra den Tommy Castro & The Painkillers, berriz, 20:00etan izango da, Euskal Herria plazan.