Argazki irabazleak ama baten eta bere haurraren arteko lotura «maitekorra» erakusten du, «ikuslea une intimo batean murgilduz». Aitaren «maitasun-begirada» ere islatzen dela irudian azaldu du.
Emakume, ama eta argazkilari moduan definitzen du bere burua Cancelok. «Nire begirada zaintzatik eta maitasunetik sortzen den lotura berezi hori atzematean oinarritzen da, denboran iraungo duten oroitzapenak sortuz argazki hunkigarri eta natural baten bidez», dio. Hala, argazkilariak adierazi duenez, familiarekin zerikusia duen guztian jartzen du arreta, «zaintzari eta ama bihurtzeak emakume bati dakarkion eraldaketari balio berezia emanez».
