Ekainaren 19an, astelehena, perkusio eta orkestrako ikasleen kontzertua izango da, 19:00etan, Zerkausian. Asteartean, ekainak 20, abeslari eta talde anitzen txanda izango da, hau ere, 19:00etan, Zerkausian. Ekainaren 21ean, helduen, akordeoien, txistuen, klarineteen eta talde anitzen kontzertua egingo da, aurrekoen ordu eta leku berean. Eta amaitzeko, ostegunean, ekainak 22, metalezko instrumentuen taldeko ikasleen zein flauta, saxofoi eta biolineko ikasleen kontzertua egingo da, 19:00etan, Berdura plazan.
Tolosako Udalak herritar oro animatzen du ikasleen lana ikusi, entzun eta kontzertuez eta musika onaz gozatzera.