Atzoko gaua luzatu zitzaiela aitortu dute Oargi elkarte ondoko parkean bilduriko gazteek. Tolosako Gazte Asanblada Gazteburua ari da ospatzen. Atzokoan solasaldia, bertso saioa, pintxo afaria eta DJ mahaia izan zituzten. Indarrak xahutu eta gaurko egunari berriro ekiteko esnatu dira hainbat gazte; beste asko oraindik eguna ezin hasiz.
Futbito txapelketa eta street boulderra zuten euren asmoetan, 11:30etarako. Ondoren, eguna eta gaua berriro ere luzatuko zaie. Izan ere, bazkaria, bazkalosteko jolasak, ekitaldia eta 21:30ean No te crew-ren kontzertua izango dute.
Honela, borobilduko du Tolosako Gazte Asanbladak aurtengo Gazteburua.