Tolosako Blok Arte Eskolak, ekainaren 26ra bitarte, ikasleek ikasturtean zehar egin dituzten lanen hautaketa ikusgai jarri du Topic-en. «Anbigu aretoko paretak kolorez eta artez bete ditu erakusketa honek eta aukera ona da Tolosaldeko gazteek artearen arloan egindako lorpenak ikusteko», adierazi dute Topic-etik.
Hain justu, ekainaren 26an ekintza berri bati emango diote hasiera Topic-en bertan. Hilaren 30era bitarte, 10:00etatik 13:00etara, Txotxongilo Udalekuak antolatu dituzte, material birziklatuekin txotxongiloak eta eszenografia egiteko. 6 urtetik gorakoentzat dira eta parte hartu nahi dutenek 50 euro ordaindu behar dute. Izena emateko, 943 650 414 telefono zenbakira deitu edo pedagogia@cittolosa.com helbide elektronikora mezua bidali behar da.