Larunbatean egin zen mendi martxa ekitaldia, eta antolatzaileek azaldu dutenez, gustura geratu dira nola joan zen ikusita. «Parte hartzaileek zoriondu egin gintuzten, ibilbide politak zirela eta dena ondo antolatuta zegoela esanez». Era berean, antolatzaileek eskerrak eman dizkiete boluntario guztiei egindako lanarengatik, eta baita babesle eta laguntzaileei ere.
Aurten Tolosako Amarotz auzoaren 50. urteurrena ospatzen ari dira, eta hori dela eta, Amarozko Mendi Elkarteko kideek mendi martxa berreskuratzea pentsatu zuten. Azken Araxesko Itzulia 2017an egin zen. Hemendik aurrera ere antolatzen jarraitzeko asmoa dute mendi elkartekoek.
Argazkiak: Iñigo Cabieces