Azoka solidarioa

'Jarri beste bat' produktu freskoen azoka solidarioa, Zutani elkartearen eskutik. Egun horretan eta aurreko egunetan, hainbat ekimen antolatuko dira Tolosaldean egoera zaurgarrian dauden 100 famili onuradunen elikadura egokia bermatzeko.

Ekarpena egiteko aukera desberdinak daude: aldez aurretik herriko saltokietan bonu bat edota hainbat produktu erosita, edo egunean bertan Trianguloan. Gainera, bestelako ekintzak ere izango dira, Pobreziaren haur eta gazteen begiradak (marrazkien eta esaldien erakusketa), kaleko animazioa, haurrentzat elikadura osasuntsuaren tailerra, pintxo solidarioen eskaintza edota errezeten txokoa.