Jose Mari Villanuevak esan du Tolosak duen arazorik handiena etxebizitzarena dela. «Arazo hori batez ere, gazteek bizi dute. Momentu honetan Tolosako etxebizitzen salneurriak oso altuak dira eta ondorioz gazte askok Tolosatik alde egin behar izan dute». Amarotz auzoan egingo diren etxebizitzak ekarri ditu gogora eta San Esteban auzoko proiektua desblokeatu behar dela esan du. «Momentu honetan San Estebanen dauden eraikuntzen inguruko erabakiak hartu behar dira. Ferialekuari eta Bonbereneari aterabide bat eman behar zaie, bi ekipamendu horiei alternatibak bilatu behar zaizkie, eta aterabideak aurkitzen ez diren bitartean ezin da proiektuarekin aurrera egin. Tolosan ez dago lurzoru askorik etxebizitzak egiteko eta dugun aukera bakarrenetarikoa San Estebanen dago. Aukerak ikusi behar dira eta berdeguneak errespetatu behar dira, noski».
