Aurtengo Lore eta Landare Azokak asteleheneko San Isidro egunarekin egin du bat. Trianguloa plazan zazpi mintegi bildu dira eta bertako arduradunak herritarrei aholkuak ematen aritu dira. Horrekin batera, Gaztelako Arkuak azokaren bueltan klasiko bihurtu den egitasmoa hartu du eta Gipuzkoako Loredenden Elkartearen eskutik Cinnamomun camphora edo alkanforero espezieko zuhaitz bat jarri dute bertan. Herritarrek euren desioak idatzi eta zuhaitzean zintzilikatzeko aukera izan dute.
Horrekin batera, udaleko Olatz Peonek eta Xarles Iturbek loreak banatu dizkiete larunbateko azokan egoten diren baserritarrei, Udaberri Dantza Taldeko dantzariek lagunduta.