Datorren astelehenetik aurrera, maiatzak 15, Tolosako Udalak herriko hainbat gune eta kale berrasfaltatuko ditu, herriko irisgarritasuna hobetzeko bidean. Hori horrela, guztira 22.000 metro karratu inguruko azalera asfaltatuko dute ondorengo kaleetan banatuta: San Blas, Iruña etorbidea, Iparragirre kalea, Iurramendi pasealekua, Iurre auzoa, Bizkaia kalea, Oria kalea, Samaniego, Emeterio Arrese, San Frantzisko, Belate, Santa Luzia, Donostia etorbidea, Montezkue auzoa, San Esteban auzoa eta Usabal. Asfaltia S.L. enpresak egingo ditu aipatu lanak eta guztira 578.300,30 euro(BEZ barne) bideratuko ditu Tolosako Udalak horietara.
Lanen eraginez astelehenetik ostiralera, biak barne, San Frantzisko pasealekua ibilgailuentzat itxita egongo da eta autobus geldiuneak lekualdatuko dituzte, inauterietan egin ohi den bezala. Maiatzaren 22tik aurrera Samaniego, Emeterio Arrese, Oria kalea eta Iruña kalea berrasfaltatuko dituzte.