Errekan Orekan 2023 ekimena antolatu du Tolosako orekarien taldeak. Bihar arratsaldean etxeko txikienentzat slackline eta oreka tailerrak eskainiko dituzte, Zerkausian, eta asteburuan zehar zeru ibiltariak ibiliko dira Tolosako Oria ibaiaren gainean.
Baina dena ez da slackline-a izango. Ibai gaineko sokez aparte, malabarrekin trebatzeko ikastaroak eta akroyoga saioak ere egingo dituzte, bihar eta igande goizean, hurrenez hurren. 12:00etan izango dira, Zerkausian. Saio horietarako etxetik gustuko jostailuak eramateko eskatu dute.