Hitzarmen berrirako negoziazioak urtarrilean hasi zituzten, baina enpresaren «jarrera arduragabea» ikusita, greba mugagabea hastea erabaki dute langileek. BPXport enpresak kudeatzen du kiroldegia eta 31 langile ditu: 14 soilik jardun osoan, eta 23 lanaldi zatikatuarekin; «goizean lehen orduan hasi eta azken orduan bukatzen dute». Langileen eskarien artean daude, besteak beste, orduen aitortza, kategorien zehaztapena edota erosahalmenari eustea.
Egoera salatzeko, martxoan egin zituzten lehen lanuzteak; hain justu, martxoaren 16tik 26ra bitarte itxita egon ziren kirol instalazioak. Kasu honetan ez dute lanera itzultzeko datarik zehaztu. Hala ere, astelehenean elkarretaratzea egingo dute 11:00etan Tolosako udaletxearen parean, langileen esanetan «bera baita zerbitzu honen arduraduna».