Beren lehen denboraldia izan da maila honetan, eta lana eta ikasketak entrenamenduekin batera uztartzeko esfortzua egiten dute. «18 eta 27 urte bitarteko gimnastak dira eta beren egunerokotasunean ilusioa nabarmena da, eta aipagarria benetan egiten duten lana», esan dute klubetik.
Denboraldian zehar hainbat topaketetan garaile izan dira, Tenerifen bigarren eta Gipuzkoako eta Euskadiko txapeldunak. Klubeko beste gimnasta guztien erreferente dira Olaia Etxeberria, Irune Suarez, Aizpea Arroyo, Nahia Esnaola, Sara Rudel eta Ambar Rodriguez. «Zorionak gimnasta, entrenatzaile eta babesle guztiei egunerokotasuneko lanagatik», gaineratu dute klubetik.
