Gure Txokoa elkartearen eguna da gaur. Goizean elkarteko hildako bazkideen oroimenezko mezaren ondoren hamaiketakoa egin dute elkartean eta Oria txarangarekin kalez kale ibili dira bazkideak.
Gure Txokoa elkartearen eguna da gaur. Egun osorako egitaraua prestatu dute. Goizean Jesusen Zerbitzaria elizan meza abestua egin dute hildako bazkideen oroimenez eta ondoren hamaiketakoa egin dute elkartean.
Oria txaranga, 12:00etan atera da elkarte ataritik eta elkarteko kideak txarangarekin batera abiatu dira poteoan. Eguerdian bazkaria egin dute bazkideek elkartean eta bazkalostean mus txapelketa jokatuko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!