N-I errepidean, Tolosa parean, pantaila akustikoak jartzeko proiektuko obrak direla eta, asteburu honetan Gasteizerako noranzkoan zirkulazioari eragingo dioten lanak egitea aurreikusten dute herriaren hegoaldean, zehazki, 434,290 eta 435,002 k.p. artean. Lanak apirilaren 21eko (ostirala) 22:00etatik apirilaren 23ko (igandea) 22:00ak arte luzatuko dira, eta bitarte horretan Gasteizerako noranzkoan eskuineko erreia moztuta egongo da.
Jarduketak N-I-434 lotuneari (Usabal) eragingo dio, eta itxi egingo dira N-I errepidearen irteera eta sarbidea Gasteizerako noranzkoan. N-I errepiderako sarbideek eta irteerek, Donostiarako noranzkoan, ez dute eraginik izango.
Lanek irauten duten bitartean, Tolosa hegoalderako irteera eta N-Ierako sarrera, Gasteizerako noranzkoan, N-I-433 lotunetik (Arzabaltza industriagunetik, Bentaundi auzotik) egingo dira.