Eskafandrako probetan nabarmendu ziren bereziki Tolosaldeko igerilariak. Irati Lakunzak bi proba irabazi zituen: 100 eta 400 metrotako eskafandra probak; 100 metroko proban, Maite Gibelalde bigarren izan zen. Modalitate bereko 400 metroko lasterketan, Unai Eraso txapeldun izan zen, eta Maddi Goenagak eta Gregorio Mancisidorrek aurretik zituzten markak hobetzea lortu zuten.
Ur-azaleko modalitatean, 400 metroko proban, Haizea Izagirre bigarren izan zen, eta 200 metrokoan Garazi Goenagak, Nerea Telleriak eta Sara Goenagak emaitza onak lortu zituzten. «Lehiaketa oso polita izan da, partaideen artea giro oso ona egon da eta gure taldea jada udarako probetan pentsatzen hasi da», adierazi dute Igarondo Urpekoak taldeko ordezkariek.