Tolosaldeko Lanbide Heziketa ikastetxeen eskaintza ezagutzeko aukera izan dute ikasleek, gaur, Tolosan. Trianguloa plazan, VIII. Lanbide Heziketa Azoka ospatu dute.
Eskualdeko bost ikastetxek euren eskaintza aurkeztu diete ikasleei: Tolosaldea LHII, Fraisoro Eskola, Don Bosco LHII, Peñascal Kooperatiba eta Inmakulada Lanbide Heziketa Ikastolak.
Azoka DBH eta Batxilergoko ikasleei zuzenduta dago, eta Tolosa, Anoeta, Amasa-Villabona, Alegia eta Ibarrako, eta eskualdetik kanpoko Andoain, Leitza eta Orioko, 10 ikastetxe gerturatu dira Tolosara; 450 ikasle inguru eta 10 orientatzaile.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?