Beja eta Ourique herrien artean jokatu zen atzo Alentejoko Itzuliko lehen etapa, 168,8 kilometrokoa. Trinity Racing taldeko Luke Lamperti estatubatuarra izan zen azkarrena, eta ondorioz, bera da sailkapen nagusiko liderra.
Hamalau lagunek osatutako taldetxoa tropelaren aurretik heldu zen helmugara, lasterketa amaitzeko hiru kilometroren faltan gertatutako eroriko handi baten ondorioz. Aurreko talde horretan izan zen Gorka Sorarrain, BAI-Sicasal Petro de Luanda taldeko txirrindulari tolosarra. Maila onean aritu zen, eta gertu izan zuen garaipena; seigarren postuan sailkatu zen, irabazlearengandik segundo bakarrera.
Gaur jokatuko dute itzuliko bigarren etapa, Castro Verde eta Grandola herrien artean, 170,8 kilometroko luzerarekin. Hemen ikusi daiteke profila: