Jatorri askotako ardoak dastatu ahal izango dira: galiziarrak, gaztelarrak, kataluniarrak, errioxarrak, nafarrak eta gipuzkoarrak. Aurreko urteetan bezala, ardoa dastatu nahi dutenek kopa bat hartu ahal izango dute karparen sarreran, 5 euroren truke. Gainera, ardoa hobeto dastatzeko, pintxoak erosteko lau stand jarriko dituzte (19-90, Xare eta Orbela tabernenak eta Gure Txokoa elkartearena). Euro baten truke erosi ahal izango da pintxo bakoitza.
«Azokaren helburua ez da inolaz ere ekonomikoa, deitura desberdinetako ardo zuriak ezagutaraztea baizik, dastatze-fitxekin, horiek egiten dituzten upategiekin eta kokapen geografikoarekin», adierazi dute antolatzaileek.