Peña eta Mariezkurrena oso indartsu aritu ziren hasieratik eta ez zieten inolako aukerarik eman Urrutikoetxea eta Albisuri. Gorriak ez ziren fin ibili. Zazpi tantoko aldearekin jarri ziren aurretik, eta ez zirudien joera aldatzeko aukerarik zegoenik. Are gehiago, aldea handitzen joan zen gutxinaka eta azken emaitzarekin 12 tantoraino luzatu zen (22-10). Peñak 11 tanto egin zituen, momentu onean dagoela erakutsiz. Honenbestez, Urrutikoetxea eta Albisu txapelketatik kanpo geratu dira eta Peñak eta Mariezkurrenak bihar izango dute aurrera egiteko aukera
Bestalde, Unai Lasok eta Ander Imazek finalerdietako ligaxkarako txartela lortu dute, atzo, Peio Etxeberria eta Beñat Rezusta garaitu ondoren (22-21).