Alborada, pattar zezena eta... Asteartitari jarraipena emateko bazen aukera Tolosan. Biharamunik gabe esnatu dira asko, beste zenbaitek izango zuten oraindik aurreko egunetako festaren arrastoren bat; hala ere, azken eguna izanik, indar apurrak gastatzera atera dira gehienak.
Karrozek berriro hartu dute San Frantzisko pasealekua eta konpartsak ere hor zehar ibili dira, kalez kale. Mozorroa osorik eta garbi zuenak errepikatu egin du, eta traje berriarekin atera dira beste batzuk. Guztiak paperean sartua, umorea ardatz, irudimenaren jarioan jarraitu du inauterietako azken egunak.