Alboradako gosariarekin indarrak hartuta, Pattar Zezenera joateko txanda izaten da ondoren. 8:00ak iritsi baino lehen abiatu dira inauterizale ugari, eta Alde Zaharreko elkarteetako txarangekin egin dute igoera. Bidetik esnatu berri diren herritarrak gehitu dira festara. Urdiña Txiki, San Esteban, Sukalde, Arco Iris edota Kabila txarangak izan dira, besteak beste, Trianguloa plazatik igaro ondoren, San Frantzisko ibiltokitik igoera egin dutenak.