Lehendabizikoz inauterietan emakumezkoen pilota partidak ikusteko aukera izan da Tolosako pilotalekuan. Ados Pilota elkarteak antolatzen duen Binakako Txapelketa Nagusiaren final-laurdenak izan dira jokoan Zaldunita Bezperako arratsaldez. Bi partida jokatu dira, eta lehenengoan Ruiz de Infante eta Orbegozo bikoteak 22-16 irabazi dio Aldaregia eta Mendibururi. Are estuagoa izan da bigarren partida, tanto bakar batez gailendu baitira Etxekolonea eta Mujika bikotea Iturriaga eta Galeano bikoaren aurka. Bi bikote irabazleak, beraz, aurrera egin dute eta finalerdietara pasa dira.