Kabi Alai kuttun izendapena jaso du aurten Antxon Elosegi tolosarrak eta hark izan du aurtengo inauteriak abiatzeko ohorea pregoiaren osteko txupina botata.
Elkarteak opari gisa emandako garaikurra jaso ondoren esker oneko hitzak izan ditu Elosegik. «Nire aita hemen balego asko poztuko litzateke, hura ere oso inauteria baitzen», esan du.
Inauteriak ospatzeko deia luzatu du Elosegik eta azpimarra egin du jai hauetako musikan: «Garrantzia berezia du». Hain zuzen, txaranga doinuak entzun ahal dira Plaza Zaharrean, Elosegik Gora Ostegun Gizen! Gora inauteriak! Gora Tolosa! aldarriak bota eta txupinari su eman ondoren.