Francisco de Azpillaga delakoak Iruñeko erraldoiak egin zituen, baina ez zegoen horiek aterako zituen konpartsarik. 1977an baziren udalerriko erraldoi batzuk, baina gero baztertu egin zituzten. Geroztik, eta 1991ra arte, erraldoi modernoagoak egin ziren, seriean. Seriean sortze horrek ez zituen hain erakargarri egiten, eta, beraz, tolosar batzuk talde bat eratu zuten zerbait berria sortzeko. Gaur egun ateratzen den konpartsa 1995. urtean atera zen lehen aldiz eta Iñaki Moyuaren irudiak dira. 90eko hamarkadako lehen konpartsa hartan lau erraldoi eta zazpi buruhandi ateratzen ziren, eta 2004an beste bi erraldoi batu ziren konpartsara.
Tolosan geroz eta arrakasta handiagoa dute erraldoi eta buruhandien kalejirek. Tolosaldea Turismok bildutako informazioaren arabera, 1657. urtekoak dira Tolosako erraldoiei buruzko lehenbiziko informazioak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!