Beharrezkoa iruditzen zaie, arrazakeriaren aurrean birpentsatzen jartzea eta jarrera aktiboa hartzea. Tolosako inauterietan parte hartuko duten herritarrei dei egiten diete mozorro eta karrozetan jarrera arrazistarik ez izateko. Kulturak eta etniak mozorro bat ez direla ulertuta, kultura baten irudikapen estereotipatu eta negatibo baten erreprodukzio bat direla diote. Ez baitute pentsatzen irudikatzen ari diren horren esanahi kulturalean eta eragiten duten indarkeria sinbolikoan. Blackface-aren aurka ere aldarrikatzen dira (hau da, beltzez mozorrotzen diren pertsona zuriak edota aurpegia margotzen dutenak, besteak beste), belztasuna ez baita mozorro bat euren ustetan.
Arrazoi hauengatik, Tolosako Inauterietako partaideei jai guneak birplanteatzea gonbidatzen diete, praktika arrazistak alde batera uzteko eta indarkeria mota hauei modu aktiboan aurre egiteko garaia baita.