Zartagin eta mailu hotsek hartu dituzte Tolosako Alde Zaharreko kaleak gaur arratsaldean. Urdina Txiki elkarteak antolatuta Kaldereroen konpartsa atera da, inauterien gertutasuna iragartzera. Tolosako musika eskolako ikasleek hartu dute parte ekitaldian eta kaldererotako kantuak kantatu dituzte. Urtero bezala hartza ibili da etxeko txikienak beldurtu nahian.
Plaza Zaharretik abiatuta kalez kale ibili da konpartsa eta herritar ugari batu da festara. Gauean, 23:30ean Incansables txaranga kalez kale ibiliko da eta inauteri doinuak entzungo dira, datorren ostegunetik asteartera bitarteko festaren aurrerapen gisa.
