Bere ibilbideko arteko emaitza garrantzitsuena lortu du Eukene Larrarte txirrindulari tolosarrak, pistako Europako txapelketan zilarrezko domina lortuz elite kategorian. Gaur arratsaldean izan da, scratch proban. Portugalgo selekzioko Maria Martinsekin batera erasoa jo du Larrartek eta bien artean jokatu dute garaipena. Azkenean, bigarren postua lortu du tolosarrak.
Grenchenen (Suitza) ari da izaten Europako Txapelketa. Scratcheko probaren aurretik, Larrartek taldekako jazarpen proban parte hartu du, Tania Calvo, Isabel Ferreres eta Laura Rodriguezekin batera, eta Espainiako marka berria ezarri dute, 4.28,054ko denborarekin.
Argazkiak: RFEC