Eibarko IES UNI Eibar eta Tolosako Tolosaldea LHII institutuetako ikasleak elkartuko dira, 10 laguneko 10 taldetan banatuta. Ekitaldi honen helburuak jarduera fisikoa sustatzea, talde lanean jardutea, jende berria ezagutzea eta tarte dibertigarri bat izatea dira.
Ikasle sasoitsuenak zeintzuk diren jakitea. Hori frogatu nahi dute. Horretarako, hainbat jarduera egingo dituzte: ariketa desberdinez osatutako bi zirkuitu, txingak, soka-tira eta ingudeak. Tartean atsedenaldi bat egingo dute, eta amaieran sari banaketa; Astigarragako Ekaitz tabernan afari bat ere zozketatuko dute. Froga bakoitzean puntuak banatuko dituzte eta puntu gehien lortzen duen taldeak irabaziko du txapelketa.