2023ko urtarrilaren 1ean sartu zen indarrean NPB berria, 2023-2027 bitartekoa, eta martxoan zabalduko da eskabideak aurkezteko epea. 2022ko azken egunetan argitaratu ziren araudi osoa jasotzen duten araubideak, baina bertan jasotako xehetasun guztien berri emateko hainbat hitzaldi egingo ditu Enbak eskualdez eskualde, Gipuzkoa osoa hartuz eta ordutegi ezberdinetan, nekazari eta baserritar bakoitzak hobekien datorkiona aukera dezan.
- Otsailak 7, asteartea, 11:00etan, Bergarako Oca Nekazal Bulegoan.
- Otsailak 8, asteazkena, 15:00etan, Zaldibiko Goizanen.
- Otsailak 10, ostirala, 11:00etan, Aiako kultur etxean.
- Otsailak 13, astelehena, 11:00etan, Elgoibarko kultur etxean.
- Otsailak 14, asteartea, 11:00etan, Urnietako kultur etxean.
- Otsailak 15, asteazkena, 15:00etan, Azpeitiko Baigerako aretoan (sindikatu parean).
- Otsailak 17, ostirala, 15:00etan, Tolosako Enbaren bulegoan (Trinkete plaza).
Bilera informatiboek, Enbak antolatu arren, sarrera librea izango dute interesa duen nekazari eta baserritar guztientzat. Hori bai, lokalaren edukiera errespetatzearren, aurrez izena ematea eskatu dute, bai 943 650 123 telefono zenbakira deituz, baita gipuzkoa@enba.eus helbide elektronikora mezu bat bidaliz.