Ostiralean, irteera askeko 10 kilometroko lasterketan parte hartu zuen, 57. postuan sailkatuz. Larunbatean ez zuen parte hartu 1,3 kilometroko esprint klasikoko proban. Azkenik, igandean, 53. postuan amaitu zuen masan egindako irteera izan zuen estilo klasikoko 20 kilometroko proba.
Une honetan 132. postuan dago Rojo Munduko Kopako sailkapen nagusian, 27 punturekin. Norvegiarrak nagusitzen ari dira; lehen sei postuetan bost eskiatzaile norvegiar daude. Johannes Hoesflot Klaebo da liderra, 1.676 punturekin. Pal Golberg bigarren da sailkapenean, 1.564 punturekin. Federico Pellegrino italiarra da hirugarren, 1.178 punturekin.