San Blas jaien bueltan, urtero korrikalari ugari biltzen dituen zita izan ohi da Idiazabalgo Herri Krosa. Aurten berrogeita bigarren aldiz antolatu dute, eta azken urteetako parte hartzaile kopuru handiena izan du. Guztira, 646 korrikalari irten ziren 10,2 kilometroko ibilbidea egitera. Horien artean izan da Maria Navascues.
Korrikalari tolosarrak lasterketa ona egin du, eta gertu izan du garaipena; lasterketaren lehen zatia lehen postuan egin du, baina bigarren itzulirako gertu zuen Vecillas. Azken kilometroan ezin izan du lehen postuan sailkatu den Vecillasen erritmoa jarraitu, eta 39 minutu eta 40 segundo behar izan ditu proba burutzeko; madrildarrak erakustaldia egin du, 39 minututik beherako denborarekin.