Abenduaren 17ko bileran, kooperatiba sortzeak berekin dakartzan lanak zehazten aritu ziren, eta hizpide izan zituzten, besteak beste, lan taldeen funtzionamenduak nolakoa izan beharko zukeen, eta baita babes soziala zein babes politiko eta instituzionala nola handitu ere. Horrez gain, kooperatiba bat sortzeak eskatzen duen zuzendaritza-taldeaz ere mintzatuko dira, eta dagoeneko martxan den ekoizleen taldearen lanak eta egitekoak ere zehazten jarraituko dute.
«Erronka handiak ditugu, baina benetan sinetsita gaude bideak kolektiboa izan behar duela, eta elkarrekin egingo dugula aurrera» adierazi dute Lurtaroko kideek. Hori horrela, bazkide guztiak animatzen dituzte bileran parte hartzera.