'Ramper' pailazoaren istorioa, Tolosan

Tolosaldeko Ataria 2023ko urt. 24a, 07:57

Urtarrilaren 29an, igandea, Imanol Ituiño bilbotarrak zuzendutako ikuskizuna antzeztuko du Juan Paños Larrauri madrildarrak, Gure Zirkuaren karpan. 19:00etan izango da emanaldia.

12 urte edo gehiago dituzten haurrei zuzendutako saioa da; gaztelaniaz izango da eta 85 minutuko iraupena izango du. Emanaldirako sarrerak Sarrerak.gurezirkua.eus webgunean erosi daitezke.

Ramon Alvarez Escudero madrildarra, Ramper ezizenez ezaguna, espainiar estatuko pailazorik ospetsuena izan zen 1920ko eta 1930eko hamarkadetan. II. Errepublikaren garaian zirku artistarik handiena izan zen, filmak grabatu zituen eta marrazki biziduna ere egin zioten; Gerra Zibil osteko gizarteak eta zentsurak Ramper pailazoa akaberara eraman zuten arte. «Ramperren mamuak, ordea, bizirik jarraitzen du antzokietan eta zirkuetan, bere istorioa norbaitek entzungo duen zain», adierazi dute Gure Zirkuko kideek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!