2023ko Tolosako azoka berezien eta ekitaldi gastronomikoen datak aurkeztu dituzte Fiturren

Gutxienez bederatzi topaketa izango dira eta urtarrilaren 28an izango da lehena: XXVII. Zuhaitz Eguna. Udaberrian hiru azoka berezi egingo dituzte eta udazkenean beste bost.

Larunbatero egiten den asteroko azokaz gain, tarteka azoka bereziak izaten dira Tolosan. Azken urteetan, gainera, entzutetsuagoak bihurtu dira egun berezi horiek. 2023an zehar, urtarriletik hasita, Tolosak gutxienez bederatzi azoka gastronomiko hartuko ditu, eta dagoeneko ezarri ditu horietarako datak. Egutegiaren aurkezpena Fiturren egin zuten pasa den astean, Madrilen ospatu den Nazioarteko Turismo Azokan.

2023ko Tolosako azoka berezien egutegia

  • Urtarrilak 28: XXVII. Zuhaitz Eguna.
  • Apirilak 1: V. Ardo Zuriaren Azoka.
  • Maiatzak 13: Lore eta landareen azoka.
  • Maiatzak 18-21: Haragi: IV. Haragiaren eta Txingarraren Nazioarteko Topaketa.
  • Urriak 19-21: Mikologika: XII. Mikologia jardunaldiak.
  • Urriak 28: Tolosa Goxua: XXVIII. Gozoaren Azoka berezia.
  • Azaroak 4: Esneki: II. Gazta eta esnekien azoka berezia.
  • Azaroak 18: Babarruna: XXVIII. Tolosako Babarrunaren Jaia.
  • Abenduak 16: XXIV. Gabonetako azoka berezia.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!