Eskaera telematikoki egiteko hemen eskuratu dezakete orria herritarrek. Bestela, edo Udaten eskuratu daiteke, astelehenetik asteazkenera eta ostiraletan, 07:15etik 14:15era, eta ostegunetan, 07:15etik 19:00etara. 16 urtetik beherakoek ordezkaritza ziurtagiria ere aurkeztu beharko dute eskaera orriarekin batera.
Plazak mugatuak izango dira Ferialekuan, eta dauden partzelak baino eskaera gehiago egonez gero, lekuak esleitzeko zozketa egingo dute urtarrilaren 30ean. Lekua lortzen dutenek, Ferialekua erabili ahal izango dute plataformak egiteko otsailaren 6tik 26ra, astelehenetik ostiralera, 17:00etatik 21:30era, eta asteburuan, 10:00etatik 21:30era. Aurten ez da giltzarik banatuko eta udaltzaingoa arduratuko da Ferialekuaren irekieraz eta itxieraz.
Aldi berean, plaza eskuratzen dutenek, 200 euroko fidantza ordaindu beharko dute ezinbestean, bankuko transferentzia baten bitartez.