Oholtza eta iraultza izenarekin egun osoko egitaraua antolatu dute gaur Tolosan, Tolosaldeko Kontseilu Sozialistak eta Gazte Koordinadora Sozialistak. Kultur etxean goizean egin duten mahai inguruan Mattin Kortak (Bake faltsua), Peru Iparragirrek (Desgaraian) eta Odei Malecek (Bokaseka) hartu dute parte eta musika eta politikaren arteko harremanaz egin dute gogoeta.
Egunean zehar beste hainbat ekimen antolatu dituzte:
- 14:00. Kantu bazkaria egingo dute Oargi elkartean.
- 19:00. Eskualdeko hainbat musikari zein musika talde entzuteko aukera izango da Tolosako Plaza Berrian: Malec, BLZ, Skank, Doce C, Apanrapa, TasuriTaR, HBikoitza, Little Martin, Bassagain eta AGY Sound.
