Bihar, urtarrilak 5, Errege Magoen desfilea egingo dute Tolosan eta hori dela eta Rondilla kalea 14:00etatik 23:00etara trafikoarentzat itxiko dutela esan du udalak. Horri lotuta, aipatu kaleko zein San Frantzisko eliza pareko autobus geltokiak itxita egongo dira, hau da, autobusek ez dute geldiunerik egingo bertan. Hiribusa zein Lurraldebuseko autobusak Santa Klaran hartu ahal izango dira. Edozein kasutan, herritarrak informatzeko abisuak ere jarriko dira autobus geltoki horietan.
Rondilla eta San Frantzisko eliza pareko autobus geltokiak itxita egongo dira eta hiribusa zein Lurraldebuseko autobusak Santa Klarako geltokian hartu ahal izango dira bihar, 14:00etatik 23:00etara.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!