Berez sei mailatan banatu ohi dira taldeak, baina aurten bost izango dira, 2014ko benjamin nesketan talde bakarrak eman baitu izena, eta talde hori azkenean alebinekin sartu dute. Finalei dagokionez, bi urtarrilaren 4ko arratsaldean jokatuko dira eta beste hirurak urtarrilaren 5eko goizean.
Kirolagunak Kirol Elkarteak antolatzen du txapelketa, eta aurten ia bertan behera geratu da, antolatzailea futbol eskola duen klub bat izatea jarri baitu baldintza moduan aldundiak. Aurtengoa, beraz, Eguberrietako areto futboleko azken txapelketa izan daiteke.