Areto futboleko XL. Shanti Torneoari hasiera datorren astelehenean emango diote, abenduaren 26an. Guztira 47 taldek eman dute izena. Berez 60 inguru izan ohi dira parte hartzen duen talde kopurua, beraz, jaitsiera izan da aurtengoan. Berez sei mailatan banatzen dira taldeak, baina aurten bost izango dira, 2014ko benjamin nesketan talde bakarra apuntatu baita, eta talde hori azkenean alebinekin sartu dute. Horrela, alebin nesketan 7 talde eta mutiletan 19 ariko dira; 2013ko benjaminetan, nesken lau talde eta mutilen 11 izango dira, eta 2014ko benjamin mutiletan sei talde lehiatuko dira.
Finalei dagokionez, bost finaletatik bi urtarrilaren 4ko arratsaldean jokatuko dira eta beste hirurak urtarrilaren 5eko goizean, 10:00etan, 11:00etan eta 12:00etan.