Amaia Lizaso, Koldo Tarragona eta Maria Zubimendi irakasleen zuzendaritzapean, Tolosako ikasleak Arrasaten izan dira. Bakarlarien kategori ezberdinetan, Laida Aldanondo, Naroa Arregi, Imanol Lopetegi, Alaitz Azpiroz eta Amelia Elgarrestak parte hartu dute.
Ganbara Musika kategorian, berriz, Laida Aldanondo, Daniela Ceberio, Euken Fernandez, Lorea Martinez, Eunate Garmendia, Ariane Sarasola eta June Iriartek emaitza bikainak lortu dituzte. Aipatzekoa da, Laida Aldanondok C Mailan lortutako urrezko domina. Gainerako parte-hartzaileek zilarrezko dominak eskuratu dituzte dagozkien kategorietan.
Musika eskolatik guztiak zoriondu dituzte: «Zorionak guztiei eta musikarekin gozatzen jarraitu dezagula!».