Lehenengoa Tolosa CF-ko eta Realeko beteranoen arteko partida izan zen. Realekoek 0-2 irabazi zuten, eta klubetik oso gustura daude harmaila ia beteta izan zelako. Horrez gain, puzgarriak jarri zituzten haurrentzat eta horrek ere festa giroa areagotu zuen.
Eguneko beste ekitaldia afaria izan zen. Futbol atalak antolatuta, jokalari ohientzat eskertza moduan, Trianguloa plazan 150 pertsona elkartu ziren. Hotz egiten bazuen ere, giro goxoan egion zirela azaldu dute klubetik.
Topaketa hori baliatu zuen gainera futbol atalak klubeko hiru intsignia emateko. Horietako bat Jose Manuel Arruabarrenari eman zioten, 60 urtez klubari lotuta egon baita. Bestea Antxon Iglesiasi, emakumezkoen futbolean egindako lanagatik. Azkenik, Javier Ibañezi eman zioten bestea, futbol atalean azken 25 urteetan egindako lanagatik.
Partidako argazkia: JAVI ELOLA